mere paas tumhe dene ke liye kuch bhi nahi hai
ko bhav nahi na hi koi swapan
bus ek samarpan hai, ek ahsas
main khush hoon ki tum aayee
mera man tumhare swagat ke liye bekarar hai
per mera yeh bhavheen chehra
mujhe rok raha hai
mujhse kah raha hai
tum mere liye nahi ho
nahi main galat hoon
main tere liye nahi hoon
main jitna tumhare liye aage aaoonga
tum utni hi door chali jaoogi
kya yah satya hai
shayad nahi athwa haan
lekin mera dar
usne mere dil ko daba rakaha hai
main apne anterdwand mein chupchap khada
kewal apne aap se lad raha hoon
aur tum mere samne se ja rahi ho
main kahna chah raha hoon ki rooko
bus ek bar ruko
sirf mere liye
ya ek anjane ke liye
per main shayad nahi kah pa raha hoon
tumhe khone ka dar mere uper havi hai
aur tum mere paas se ja rahi ho
Subscribe to:
Post Comments (Atom)
No comments:
Post a Comment